Mesfushori shqiptar i blerë këtë verë nga Lazio Valon Berisha rrezikon debutimin në Serinë A ndaj Napolit. Ai ka qëndruar për dy javë në “klinikë” për shkak të problemeve muskulore në kofshën e majtë. Mjekët kanë dhënë shpresë ai do të rikuporehet shpejt, por trajneri Simone Inzaghi është bërë me dhimbje koke, pasi mosgadishmëria e shqiptarit për takimin e parë të sezonit 2018/2019 i prish punë në zgjedhjen e formacionit.
Lucas Leiva dhe Senad Lulic janë pezulluar dhe Murgia është i dëmtuar. Italiani duhet ta nisë me dyshen Parolo dhe Badelj, që u aktivizuan në ndeshjen e fundit miqësore me Borussia Dortmund. Takimi luhet në Romë ditën e shtunë.
