Ish-mesfushori i Interit dhe i Kombëtares së Argjentinës, Sebastian Veron ka deklaruar se varësia e kombëtares nga Lionel Messi po iu shkakton shumë dhimbje atyre. “Është koha për të ndërtuar një grup. Natyrisht, nëse Leo është i etur të jetë pjesë e ekipit kombëtar, ata do të duhet ta përfshijnë atë pak nga pak”, tha Veron për ESPN.
“Mendoj se duhet ta përgatisim bazën dhe një herë e përgjithmonë të mendojmë për një ekip dhe të mos mendojmë për dikë që mund të na shpëtojë. Edhe më shumë në këtë kohë, duke parë skuadrat e tjera kombëtare dhe se si u përballën me Kupën e Botës, duket e domosdoshme të mendohet për një grup”, deklaroi Veron.
Gjatë muajit shtator Argjentina do të përballet në miqësoren kundër Guatemales dhe Kolumbisë.
