Arturo Vidal nisi këtë të hënë zyrtarisht aventurën e tij te Barcelona. Mesfushori kilian i cili iu bashkua Barcelonës për 18 milionë euro u shfaq shumë i karikuar për këtë eksperiencë të re. Vidal fillimisht doli në ambientet e stadiumit Camp Nou me fanellën e tij të re, ndërsa më pas u prezantua përpara gazetarëve.
31-vjeçari u shfaq shumë i lumtur për këtë aventurë duke snobuar edhe interesimin e klubeve të tjera e sidomos atë të Interit që ishte shumë pranë marrëveshjes me ish futbollistin e Bayernit: “ Jam shumë i entuziasmuar, dua të fitoj gjithçka këtu. Më donin edhe skuadra të tjera por kur dëgjova për interesimin e Barcelonës nuk kisha dyshime, pasi jam bërë pjesë e klubit më të madh në botë”, deklaroi Vidal
