Fitimi i çmimit si sulmuesi më i mirë për lojtarin që ka shënuar 15 gola në edicionin e fundit të Champions League duket shumë i vështirë – nëse jo i pamundur. Diçka e ndryshme, ndërkohë, sa i përket çmimit “Lojtari i Vitit”, ky çmim u dha për lojtarin më të mirë, Cristiano Ronaldo, i cili e ka fituar atë edhe tre herë të tjera, në 2014, 2016 dhe 2017.
Por, në rrugën e yllit juventin këtë herë është dhe ish-shoku i tij i skuadrës, i cili ka fituar çdo gjë te Real Madrid, Luka Modric. Ky i fundit ka fituar po aq herë sa Ronaldo trofeun e Champions League gjatë viteve të fundit si dhe arriti që të shkojë në finale të Kupës së Botës me Kroacinë duke marrë në fund dhe titullin “Lojtari më i mirë nga FIFA” dhe po ashtu është në garë për trofeun “Topi i Artë” që do të përcaktohet në dhjetor. Por, akoma më e vështirë bëhet gara sepse mes këtyre dy emrave futet dhe Salah: egjiptiani që është pjesë e Liverpool, megjithatë, është inferior.
Por, do të ketë akoma kohë për të tjera sfida të mëdha. Nëse CR7 do të garojë për çmimin e sulmuesit më të mirë kundër Messi-t, në mes do të jetë edhe Salah, ndërsa Modric si mesfushori më i mirë do të jetë kundër Kroos dhe De Bruyne, e sa për kapitullin e mbrojtjes gjithçka është e regjistruar mes Marcelo – Ramos – Varane, ndërkohë që për portën i vetmi italian është Buffon që vendoset mes Alisson dhe Keylor Navas. Për karrierën, çmimi duket se është shënjestruar nga David Beckham.
