Ditën e mërkurë mediat sportive botërore bën me dije se ish-kampioni i botës në Formula 1, Michael Schumacher do të transferohet në Majorka pasi gruaja e tij kishte blerë një rezidencë 30 milion euro. Aty ai do të vazhdonte rehabilitimin pas aksisdentit me ski të pësuar gati 5 vite më parë.
Lajmin e transferimit e konfirmoi edhe kryetarja e Bashkisë së Majorkës e cili tha: “Mund të konfirmoj se Michael Schumacher do të qëndrojë në qytetin tonë dhe ne jemi gati për t’a mirëpritur”.
Por menaxherja e familjes, Sabine Kehm ka përgenjështruar lajmin e transferimit të legjendës së Formula 1 dukë thënë: “Familja Schumacher nuk ka në plan të lëvizë drejt Majorcas.”
Megjithatë ajo ka pranuar se prona është blerë në Majorka dhe do të përdoret nga gruaja e tij Corinna dhe dy fëmijët e rritur, vetëm për pushime verore.
