Claudio Lotito nuk tërhiqet asnjë milimetër përpara kërkesës së tij prej 150 milionë eurosh për Sergej Milinkoviç-Savic. Sipas asaj që raporton”Don Balon” Real Madrid ka provuar seriozisht të rrëmbejë mesfushorin serb, me Florentino Perez që është në kontakt të vazhdueshëm me Kezman, agjentin e lojtarit. Los Blancos kanë ofruar 95 milionë euro, por Lazio kërkon të paktën 150 milionë euro për lojtarin, ndaj për momentin lojtari 23-vjeçar nuk do të largohet nga Italia. Edhe pse Milinkovic-Savic ka dhënë aprovimin për këtë transferim, Lazio nuk ndërmend të dorëzohet.
Sipas “Don Balon”, Mauro Icardi është një tjetër objektiv i ekipit spanjoll. Real është një kërkim të një sulmuesi dhe argjentinasi pëlqehet gjithnjë e më shumë, megjithëse rasti Modric ka cënuar marrëdhëniet midis dy klubeve. Interi nuk ka ndërmend të hyjë në tratativa dhe në këtë mënyrë Perez ka kontaktuar direkt Wanda Nara-n, gruaja dhe agjentja e lojtarit: “Për më pak se 100 milionë, Interi nuk do të dëgjojë asnjë ofertë”, mesazhi për presidentin e madrilenëve . Real ishte pranë një propozimi prej 92 milionë për sulmuesin, por pas kësaj telefonate janë gati të shkojnë deri në 102 milionë, por jo më shumë .