“Unë jam plotësisht dakord me atë që tha Pep Guardiola. Kampionatet kombëtare dhe tifozët e tyre nuk mund të injorohen”. Presidenti i Napolit, Aurelio De Laurentiis, jep mesazhin e tij në Twitter. “Në fakt, Pep Guardiola thotë: Sa shumë ndeshje, UEFA dhe FIFA po i vrasin lojtarët. Kjo është ajo që kam mbështetur edhe unë, që kur kam filluar të interesohem për futbollin! Më në fund një person inteligjent dhe i përgjegjshëm. Faleminderit Guardiola”. Trajneri i Manchester City sulmoi dje angazhimet e shtuara të lojtarëve me kombëtaret e tyre, duke pasur parasysh kalendarin e ngjeshur që i pret në kampionatet respektive.
Çfarë tha dje Pep Guardiola:
“Futbollistët janë qenie njerëzore, nuk janë makina. Unë i njoh lojtarët, disa prej tyre janë gjithmonë të zemëruar, sepse nuk mund të luajnë çdo ditë, kjo nuk është e mundur. Të garosh në të gjitha garat këtë sezon pa spektatorë është e vështirë. Nëse nuk bën rotacione në formacion nuk mund të garosh në të gjitha garat. Nëse nuk do ta bënim këtë, ne nuk do të ishim në pozicionin aktual. Djemtë e mi mund të luanin, sepse kanë një mentalitet të pabesueshëm, por kanë nevojë për pushim. UEFA dhe FIFA i kanë vrarë lojtarët, sepse kjo është vërtet shumë. Ne nuk kemi pasur një pushim të vetëm mesjave që kur kemi filluar sezonin, as edhe një”.
