David Beckham ka thënë me shaka se Zlatan Ibrahimoviç është “me të vërtetë, me të vërtetë i vjetër”, pasi e lavdëroi superstarin e LA Galaxy për golin e tij të 500-të të karrierës. Ibrahimoviç u bashkua në “podium” me yllin e Juventusit, Cristiano Ronaldos, dhe atë të Barcelonës, Lionel Messi, si lojtari i tretë aktiv, që shënon 500 gola mes klubit dhe kombëtares. Ai e bëri këtë gjatë humbjes 5-3 të Galaxy në Toronto, në MLS, të shtunën.
Kapiteni i mëparshëm i LA Galaxy, Beckham, i cili luajti së bashku me Ibrahimovic te kampionët francezë të PSG, e falënderoi golashënuesin kryesor të Suedisë për të gjithë karrierën.
“Zlatan, dua të të them urime, – tha Beckham në një video të përbashkët nga Galaxy. – 500 gola, çfarë karriere, çfarë lojtari, çfarë arritjeje! Kënaqësi për të luajtur me ju dhe kundër jush!
500 gola…, që ju bëjnë me të vërtetë, me të vërtetë të vjetër, por në një aspekt serioz”.
Pas fillimit të karrierës së tij në Malmo (18 vjeç) të Suedisë, Ibrahimovic ka shënuar gola për gjigandët holandezë të Ajax (48), Juventus (26), Inter (66), Barcelona (22), AC Milan (56) PSG (156) dhe Manchester United (29). Ibrahimoviç ishte golashënuesi më i mirë i PSG, me 156 gola, përpara se Edinson Cavani të thyente rekordin e tij në janar.
"500 goals! That makes you really, really old." 😂
David Beckham congratulates @Ibra_official on #Zlatan500 🙌 pic.twitter.com/RIS7178Zbt
— LA Galaxy (@LAGalaxy) September 17, 2018
