Pep Guardiola doli edicionin e shkuar kampion me Mançester Sitin e tij, por dhe këtë edicion i ka bërë një nisje të mirë kampionatit dhe është një nga kandidatët për t’u shpallur kampion edhe këtë edicion. Kapiteni i skuadrës Vinsent Kompani ka vlerësim maksima për trajnerin Pep Guardila, duke e cilësuar si një prej arsyeve kryesore të suksesi.
Lideri i fushës në skuadrën e “qytetarëve” e krahason trajnerin spanjoll si një mësues, i cili di ta bëjë më së miri punën e tij. Po ashtu Kompani thekson se ende nuk e di në trajneri i tij ka një dobësi, pasi deri më tani nuk e ka vënë re diçka të tillë tek ai.
“Guardiola është një mësues i mirë, mund të them një nga më të mirët që unë kam pasur. Ai di ta bëjë më së miri punën e tij. Nuk e di nëse ai e ka një dobësi apo jo, por mund të them se unë ende nuk e kam vënë re diçka të tillë tek ai”.
