Mbrojtësi i Bayern-it të Mynihut, Jerome Boateng ka konfirmuar se edhe Manchester United edhe PSG-ja kanë qenë të interesuar për të këtë verë, madje ka pranuar se ka folur personalisht me Mourinhon në telefon duke i refuzuar ofertën në telefon.
30 vjeçari ka konsideruar mundësinë e largimit nga Allianz Arena pas shtatë vitesh, duke menduar për sfidat e reja jashtë Bundesligës kështu bavarezët ishin të hapur për oferta.
Boateng ka thënë në një intervistë për Bild se i ka marrë parasysh të dy ofertat edhe të PSG-së edhe të Manchester United.
“Kisha oferta nga Paris-Saint Germain dhe Manchester United, i mora parasysh. Jo sepse doja të largohesha nga Bayern-i, por sepse doja të përballesha me sfida të reja.”
Mediat gjermane konfirmuan se Boateng kishte informuar trajnerin e Man United se nuk dëshironte të rikthehej në Manchester, ku ka luajtur për rivalët e Cityt në sezonin 2010-2011.
“E telefonova Jose Mourinho-n dhe i thash që interesi i tij më nderon dhe e falënderoj që mendoj për mua. Por gjithashtu i shpjegova arsyet e mia për mos bashkimin me ata. Është vështirë të largohesh nga Bayern-i.”