“Shirit i vogël, luftë e madhe”. Është tabloidi i njohur gjerman, “Bild”, ai që ka ironizuar me polemikat e shpërthyera në futbollin italian, për shkak të parashkrimit të rregullit të Seria A për kapitenët.
“Mamma mia”, sikur futbolli italian nuk kishte shqetësime të tjera, – shkruan gazeta, duke rikujtuar se Daniele De Rossi, Alejandro Gomez, Mauro Icardi dhe German Pezzella ende nuk i janë përmbajtur rregullit të ri, se të gjithë uhet të mbajnë shiritë kapiteni të personalizuar.
Në stil të përsosur, “Bild”, gazeta që i pëlqen të shpërthejë me ironi, në një paragraf të vogël e titullon artikullin e vet “Çmendia e kapitenëve italianë”.