Trajneri i Juventusit, Massimiliano Allegri, ka bërë avokatinë e mungesës së yllit të tij, Cristiano Ronaldo, në ceremoninë e çmimeve “The Best” të FIFA-s, të mbajtur në Londër, të hënën. Ai tha se kjo gjë ka shkak vetëm problemet e kalendarit.
Allegri iu referua faktit se ngjarja e FIFA-s organizohej pak përpara angazhimit të së mërkurës, kundër Bologna, që korrespondon me javën e gjashtë të Seria A. Në konferencën për shtyp, përpara kësaj ndeshjeje të kampionatit italian, Allegri nënvizoi:
“Dje ishte një ditë e mirë, na erdhi keq që nuk ishim në gjendje të shkonim. Kemi një ndeshje shumë të afërt, nesër, ndaj ceremonia e ndarjes së çmimeve të FIFA-s në Londër ishte një ngjarje, që përputhej keq në kalendarin tonë”.
