Tenisti spanjoll, Fernando Verdasko në gusht të këtij viti doli pozitiv me Covid-19 pas testeve të kryera nga organizatorët e Roland Garros. Për pasojë ai nuk u lejua të marrë pjesë në kompeticion, i cili nisi një muaj më vonë.
Verdasko ka vendosur të hedhë në gjyq turneun francez. Tenisti spanjoll u shpreh se kjo ishte një fyerje për të duke i shkaktuar probleme në aspektin personal dhe profesional. Verdasko i ka paraqitur organizatorëve të turneut Roland Garros testet e fundit ku ka dalë negativ për koronavirus.
“Ky vendim i Roland Garros për të mos më lejuar të marr pjesë është fyes. Ata nuk pranuan të më bëjnë një test tjetër për të konfirmuar se jam negativ”, tha Verdasko.
