Heshtjes së Douglas Costa-s, pas gjestit të shëmtuar që e bëri atë protagonist në ndeshjen e Juventusit ndaj Sassuolos, i ka ardhur fundi.
Braziliani menjëherë pas përfundimit të ndeshjes ka kërkuar falje për episodin e shëmtuar në Instagram-in e tij. Po gjithashtu ka kthyer komentin e njërit prej fansave duke treguar versionin e tij rreth ngjarjes:
“Jam zgjuar që në 5 të mëngjesit qëkur kam qenë 12 vjeç. Ju nuk mund t’a dini se çfarë më tha ai mua… por gjithsesi…ju kërkoj falje të gjithëve pasi isha gabim,”- ka shkruar braziliani në koment.
Sigurisht që pas asaj ndeshjeje lojtari ka lënë një shije të hidhur tek të gjithë, pasi e kanë parë të pështyjë në fytyrën e Federico Di Francesco.
