Duhen dhe pak orë për të nisur derbi i munguar i kryeqytetit, skuadrat kanë mbërritur në stadiumin “Selman Stërmasi”. Skuadra e Partizanit ka mbërritur e para në stadium. Paralelisht me skuadrën e kuqe kanë mbërritur dhe gjyqtarët.
Pak më vonë ka arritur dhe skuadra e Tiranës. Ndryshe nga Partizani që ishte akomoduar në Elbasan, bardheblutë ishin akomoduar në periferi të kryeqytet.
Jashtë ambienteve të stadiumit ka forca të shumta policie, ndërsa në ambientet e brendshme ka vetëm stjuart. Shqetësim mund të jenë kushtet atmosferike, pasi reshjet e shiut mund të nisin nga çasti në çast.
