Lajme të këqija për Interin, pasi Sime Vrsaljko ka dalë nga fushë i dëmtuar në minutën e 19-të në ndeshjen e Kroacisë ndaj Spanjës në Ligën e Kombeve.
Mbrojtësi i krahut është dëmtuar në gjurin e majtë dhe menjëherë kërkoi të zëvendësohej dhe në vendin e tij është futur Marko Rog i Napolit.
Kujtojmë që ky dëmtim vjen si një “shuplakë” për Interin që të martën do të përballet ndaj Tottenhamit të vlefshme për Champions League.
Një lajm i keq për klubin e tij të ri, teksa Vrsaljko kishte gjithë verën që vuante nga dëmtimet. 26-vjeçari iu bashkua Interit nga Atletico Madrid në formë huazimi me të drejtë blerje në fund të sezonit.
