Liverpooli nuk do të shesë mesfushorin Georginio Wijnaldumi, por holandezi nuk do të rinovojë. 29-vjeçarit i mbaron kontrata në fund të verës dhe “Redsat” nuk duan ta humbasin me parametra zero.
29-vjeçari dëshiron të largohet nga Liverpooli dhe të kalojë te Barcelona. Ai do që t’i bashkangjitet trajnerit Ronald Koeman, pasi e njeh mirë dhe kanë punuar së bashku te kombëtarja e Holandës.
“Redsat” duan të shesin futbollistin dhe i kanë kërkuar 15 milionë euro Barcelonës për Wijnaldum. Katalanasit e shohin si okazion blerjen e mesfushorit.
