Argjentina ka konfirmuar se sulmuesi i Interit, Lautaro Martinez, do të mungojë në dy ndeshjet miqësore të këtij muaji, si pasojë e një lëndimi në kofshe.
Martinez u thirr për dy ndeshjet ndaj Guatemalas dhe Kolumbisë, por sot, Federata e Futbollit e Argjentinës (AFA) njoftoi se ai nuk do të përzgjidhet pas testeve mjekësore në kofshën e majtë.
Megjithatë, ende nuk dihet nëse 21-vjeçari do të kthehet në Milano apo do të qëndrojë me Albiceleste për tretman. Martinez tërhoqi muskulin para fitores së Interit 3-0 ndaj Bolognës në fundjavën e kaluar.
