Federata Italiane e futbollit (FIGC) ka marrë vendimin e fundit në lidhje me incidentin që ndodhi në ndeshjen e fundit të Juventusit me Sassuolon ku mesfushori brazilian Douglas Costa goditi me kokë dhe përshtyu mesfushorin kundërshtar Federico Di Francesco.
Edhe pse anësori i Juventusit kërkoi falje për “gjestet e shëmtuara”, FIF nuk është treguar tolerante ndaj sjelljes së lojtarit duke e ndëshkuar me 4 ndeshje pezullim në kampionat dhe Kupë të Italisë.
Në këtë mënyrë futbollisti është i lirë të luajë në Champions League, pasi ndeshjet e këtij kompeticioni nuk janë nën diktatin e Federatës së Futbollit Italian.
Juventusi luan në fushën e Valencias në Spanjë në orën 21:00.
