Manchester United synon të largojë Alexis Sanchez gjatë merkatos së janarit, sipas asaj që bën të ditur shtypi britanik. Kiliani u dërgua në tribunë në ndeshjen e fundit kur “djajtë” u mposhtën 3-1 nga West Ham.
Jose Mourinho tha se kjo kishte qenë një zgjidhe taktike, kësisoj duket qartë se marrëdhënia e trajnerit të Manchester me sulmuesin ka arritur pikën më të ulët dhe shumë shpejt do të kemi një divorc.
Sanchez nuk shënon që nga muaji prill, pavarësisht se 29-vjeçari është futbollisti më i paguar në Premier League, ku merr 25 milionë euro në sezon, kur u transferua nga Arsenal te United në verën e kaluar.
“Më parë dëgjoja duhet të luajë Martial, Martial dhe Martial. Tani po dëgjoj Sanchez, Sanchez, Sanchez. Mendova t’i jap një shans Anthony dhe nuk mund të ketë vend për të dy,” – tha Mourinho.
Sanchez, që ka një kontratë deri në vitin 2022 me Manchester, është kërkuar nga City dhe Bayern para se të shkonte te United në janar. Tani “djajve” i duhet të gjejnë blerës patjetër.
