Ndeshja e Real Madrid kundër Roma-s, në javën e parë të Champions League, ka qenë pothuajse një shëtitje për kampionët në fuqi. Një fitore e pastër 3-0 që ka hedhur shumë dyshime në lidhje me cilësinë e verdhekuqve. Golat e Isco, Bale dhe Mariano kanë mbyllur ndeshjen pa shumë probleme.
Por lajmi i vërtetë ka qenë goli që ka zhbllokuar takimin: goditja magjike e dënimit e Isco-s. Sipas “AS”, në fakt, spanjolli është bërë pjesë e historisë së madrilenëve me atë gol.
Sipas të përditshmes iberike, Isco është bërë spanjolli i parë në historinë e Real Madrid që realizon një gol me goditje dënimi në Champions League. 24 të mëparshmit janë realizuar nga 7 lojtarë të ndryshëm të huaj, duke përfshirë edhe Cristiano Ronaldo-n.
