Rrallëherë, për të mos thënë asnjëherë më parë, në Vlorë, Skënderbeu nuk kishte treguar kaq karakter sa tregoi ndeshjen e së hënës. Pavarësisht se me pjesën më të madhe lojtarë të rinj dhe me shumë lëvizje në fushë, të besuarit e Shehit treguar grintë dhe karakter loje, duke dominuar takimin në pjesën më të madhe.
Fitore kjo më se e merituar për Skënderbeun, që solli më pas festë në kampin bardhekuq. Korçarët u harbuan deri pas mesnate në një prej klubeve, duke festuar kështu në mënyrën më të mirë të mundshme fitoren në Vlorë.
Takim i radhës është ai me Tiranën, që do të luhet pa praninë e tifozëve për shkak të pezullimit të stadiumit pas ngjarjeve të ndodhura në javën e parë të kampionatit kundër Partizanit.