Të lash apo jo fytyrën, ky është problemi. Çështje higjiene personale, por jo vetëm kaq! Një ujë syve rrezikon të prishë një moment magjik për një tifoz amerikano-verior. Në fund të ndeshjes mes Toronto dhe Los Angeles Galaxy, tifozi pati mundësinë të takojë “Zotërinë 500 gola”, Zlatan Ibrahimovic.
Tifozi kanadez bëri atë që do të bënte çdo fans në të gjithë botën, i kërkoi një autograf. Deri këtu gjithçka normale.
Por më pas, kush e di përse, Ibrahimovic vendosi të hidhte firmën në një vend të pazakontë. Jo në fanellë, në letër apo në shallin e ekipit, por në ballin, në fytyrën e djaloshit. Ky i fundit e postoi foton e vetes me autografin e Ibrahimovic në ballë dhe menjëherë fotografia bëri xhiron e botës…
Zlatan signed this kid’s face. #Zlatan500 pic.twitter.com/yn3jgaDhCX
— Adam Serrano (@AdamSerrano) September 16, 2018
