Pritja mbaroi. Pas 115 ditësh nga triumfi i fundit, i treti radhazi për Real Madridin, rikthehet magjia e Champions League, me rrugëtimin në fazën e grupeve.
Ashtu si gjithmonë, 32 skuadra do të sfidohen për të ngritur trofeun më të rëndësishëm të futbollit europian. Dy të parat e tetë grupeve do të avancojnë në fazën e eliminimit direct, me përballje vajtje-ardhje për 1/8-tat, çerekfinalet dhe gjysmëfinalet, teksa finalja e madhe do të vendoset në “Estadio Wanda Metropolitano” të Madridit, shtëpia e Atletikos.
Por, cila është risia e edicionit 2018-2019? Për të parën herë, ndeshjet e grupeve do të ndahen në orare të ndrsyhme me të paktën dy ndeshje në orën 18:55.
Young Boys, kampionët e Zvicrës
Do jetë radha edhe e tre skuadrave debutuese të zbresin në skenën e Champions… Young Boys, Hoffenheim dhe Crvena Zvezda, që tashmë çojnë në 140 numrin e skuadrave pjesëmarrëse në fazën e grupeve në historinë e kompeticionit.
Java do të ketë edhe pesë momente pikante:
Portieri i Portos, Iker Casillas, do të nisë edicionin e 20-të të Champions (rekord ky!)
Thomas Muller do të bëhet futbollisti i 35-të që arrin 100 ndeshjet në Champions (nga faza e grupeve në finale)
Kristiano Ronaldo është gati të debutojë me Juven në këtë kompeticion; hera e fundit që zbriste në fushë me një fanelë tjetër nga Reali është viti 2009, kur Mançester Junajtidi i tij u mund në finale 2-0 nga Barcelona në Romë.
Përballja e shumëpritur mes Mohamed Salah dhe Neymar, në Liverpool-PSG. Gola, spektakël dhe magji, ashtu sikurse edhe kërkon të përcjellë ky kompeticion.
Elseid Hysaj, futbollisti i Napolit, do të rikthehet në Beograd, këtë herë, duke përfaqësuar klubin dhe jo kombëtaren, katër vjet nga ngjarjet në Serbi-Shqipëri
Programi i ndeshjeve
E martë, 18 shtator
Grupi A
Club Brugge – Dortmund
Monaco – Atletico Madrid
Grupi B
Barcellona – PSV Eindhoven (18:55)
Inter – Tottenham (18:55)
Grupi C
Liverpool – Paris SG
Crvena Zvezda – Napoli
Grupi D
Galatasaray – Lokomotiv Moskva
Schalke – Porto
E mërkurë, 19 shtator
Grupi E
Ajax – AEK Athens (18:55)
Benfica – Bayern München
Grupi F
Shakhtar – Hoffenheim (18:55)
Manchester City – Lyon
Grupi G
Real Madrid – Roma
Viktoria Plzen – CSKA Moskva
Grupi H
Young Boys – Manchester United
Valencia – Juventus