Talenti i Shpresave, Emir Sahiti është duke kaluar një moment mjaft të mirë në karrierën e tij. Pas debutimit me gol me fanellën kuqezi, 19-vjeçari ndihmon ekipin e dytë të Hajduk Splitit, duke bërë diferencën.
Në ndeshjen ndaj Dinamos së Zagrebit, Sahiti shënoi një gol “alla Ibrahimoviç”, pas marrjes mjaft të bukur, shqiptari ka lëshuar një “predhë” në hyrje të zonës, duke mos i dhënë asnjë shans portierit kundërshtar.
