Në Maqedoni jo vetëm në fushë, por në rrafshin institucional shqiptarët po arrijnë të marrin një rol të rëndësishëm në futbollin fqinj. Përveç Shkëdijes që ka dominuar në sezonin e fundit në Superligën Maqedonase, tashmë dhe në nivel administrativ shqiptarët marrin një rëndësi të madhe në menaxhimin e futbollit maqedonas.
Zv/presidenti i FFM Muhamed Sejdini ka marrë postin e kreut të organit përfaqësues të futbollit maqedonas pasi nuk doli asnjë fitues në zgjedhjet e parashikuara, Sejdini kalon automatikisht në postin e ri. Atij i duhet tashmë të organizojë procesin e ardhshëm zgjedhor brenda shtëpisë së futbollit maqedonas pas problemeve me regjistrimin e kandidatëve dhe plotësimin e dokumentacioneve.
Sejdini ka dhënë një kontribut të madh në ngritjen dhe përmirësimin e futbollit maqedonas. Ai ka lobuar në emër të Kosovës për t’u anëtarësuar në FIFA dhe UEFA.
