Dëmtimi I qendërmbrojtësit të Barcelonë Samuel Umiti ka sjellë dhimbje koke te katalanasit. Rëndësia që ka në skuadër kampioni i botës është e madhe dhe ekipi “blaugrana” nuk dëshiron të mbetet i gjymtuar për ndeshjet e vështira që i presin në vijim.
Sipas medias katalanase “Mundo Deportivo”, kampionët në fuqi të Spanjës kanë nisur bisedimet me qendërmbrojtësin e Interit Milan Skriniar, për ta transferuar sllovakun në muajin janar.
Vlera e tij është e lartë (45 milionë € sipas ‘Transfermarkt’), megjithatë kjo nuk e ka ndaluar klubin katalanas t’i propozojë një ofertë të re 23-vjeçarit. Por, Barcelona duhet të shpenzojë akoma më tepër për të marrë shërbimet e Skriniar duke patur parasysh që kontrata e tij me Interin skadon në 2022.
Ndoshta, lojtari zikaltër do të marrë një përgjgje të mirë për të ardhmen kur Interi dhe Barcelona të përballen në Champions League.
