Sulmuesi i Roma-s Edin Dzeko është diplomuar në menaxhim sportiv në Universitetin e Sarajevës. Boshnjaku është vetëm 32 vjeç, dhe ka shënuar 24 gola në të gjithë kompeticionet sezonin e kaluar, por mesa duket ai është duke menduar që tani për hapin e radhës në karrierë.
Gazzetta dello Sport ka zbuluar se Dzeko është diplomuar në menaxhim sportiv nga fakulteti i Sportit dhe Edukimit në Universitetin e Sarajevës.
Ai ka marrë diplomën ditën e hënë, pas tre viteve studime, dhe kjo diplomë i ka hapur rrugën për t’u bërë drejtues kur të varë këpucët në gozhdë.