Juventus do të kërkojë të shkëputet nga rivalët në Serinë A në ndeshjen e nesërme ndaj Sassuolos.
Bardhezinjtë deri më tani kanë kryer detyrën përballë kundërshtarëve në tre javët e para të kampionatut italian. Më tepër sesa fitorja e “Zonjës së Vjetër” vlen pyetja nëse Cristiano Ronaldo do të lërë shenjën e tij të parë në Itali. Portugezi është lojtari që ka regjistruar më shumë tentativa për të shënuar se çdo futbollist në ligat kryesore europiane.
Por në konferencën për shtyp, trajneri i kampionëve të Italisë Massimilano Allegri dha fjalën se Cristiano Ronaldo do të shënojë nesër. Krizën e gjetjes së golit e vuan dhe sulmuesi tjetër i Juventusit Paulo Dybala, që deri më tani nuk ka shënuar, por konkurenca brenda skuadrës si diçka produktive nga Allegri.
“Cristiano ka punuar fort dhe mendoj se e diela do të jetë dita e tij. Besoj se Cristiano e meriton të fitojë çmimin “Lojtarit më të mirë në botë” nga FIFA, edhe pse Modric ka patur një vit fenomenal gjithashtu”, u shpreh tekniku i Juventusit.