Pasi nuk ishte në gjendje të gjente një ekip elite gjatë verës, mesa duket Negredo do të largohet nga Turqia për të shkuar te Al-Nassr.
Sipas AS, Negredo do të fitojë 7 mln euro në vit te klubi i ri, një shifër që nuk do ta merrte dot në Europë. Mesa duket 33-vjeçari po mendon të përfitojë sa më shumë në vitet e fundit të karrierës.
Raportohet se marrëveshja është arritur, dhe vetë Negredo ka deklaruar: “Ky është futbolli. Një ditë je këtu dhe ditën tjetër ke shkuar diku tjetër.”
Megjithëse marrëveshja nuk është arritur akoma, Besiktas thuhet se do të fitojë 4 mln euro nga shitja e tij. Ai ka shënuar 18 gola në 48 ndeshje me klubin turk.