Njëri prej trajnerëve më të mirë në historinë e futbollit Sir Alex Ferguson kthehet në tempullin e tij të preferuar “Old Trafford” për herë të parë pasi kaloi me sukses operacionin në tru pasi pësoi hemorragji cerebrale.
Sot ai do të jetë i pranishëm në stadiumin e Manchester United për t’i dhënë mbështetje “Djajve të Kuq” në sfidën e radhës në kampionatin anglez ndaj Wolverhamptonit.
Skocezi dukej në formë të mrekullueshme fizike dhe në gjendje të mirë shpirtërore duke folur për kanalin e skuadrës angleze MUTV.
“Është e mrekullueshme të kthehesh. Ka qenë një kohë e gjatë, por po i hedh hapat me ngadalë duke dëgjuar tim bir dhe doktorët. Shpresojmë të fitojmë sot”, deklaron Ferguson.