Laçi është treguar i pamëshirshëm ndaj Naftëtarit. 9 herë kanë shënuar kurbinasit në takimin e kthimit për turin e parë të Kupës së Shqipërisë. Rezultati i përgjithshëm, së bashku me ndeshjen e parë, është 14-0. Kuçovarët nuk kanë bërë as sefte. Ka qenë Fatmir Prengaj ai që ka hapur takimin me golin në minutën e 8-të.
Më pas intervalin e golave e vazhdon Erik Qose, që shënon në portën e tij, dhe Ded Bushi në minutat 14 dhe 20. Do të ketë rradhë edhe për Albin Berishën dhe Andi Hadrojn në minutat e 28 dhe 29-të. 2 minuta më vonë shënon Elvi Berisha dhe në të 37-tën minutë është përsëri Hadroj që “ndalon” pjesën e parë në 7-0. Në pjesën e dytë Laçi do të “qetësohet” dhe do të realizojë vetëm 2 herë me Albin Berishën në minutën e 48 dhe me Elvi Berishën në minutën e 49. Djemtë e Mërgjyshit tashmë presin fituesin e çiftit Bylis-Tomorri
KUPA E SHQIPËRISË
Laçi-Naftëtari 9-0 (5-0)
Prengaj 8’, Qose 14’ (autogol), Bushi 20’, A. Berisha 28’, 48’, Hadroj 29’, 37’, E. Berisha 30’, 49’