Për pjesën më të madhe të skocezëve deri para pak kohësh futbolli shqiptar njihej me historinë famshme të mjekrës së Dani MkGrain, si dhe nga ish ylli i Sëltikut, Rudi Vata. Në rastin e parë bëhet fjalë për ish-lojtarin e Sëlltikut, Dani MkGrain, ku në vitin 1979 skuadra skoceze u ndesh në raundin e parë me Partizanin në Tiranë për Kupën e Kupave.
Bëhet fjalë për kohën e diktatorit Enver Hoxha, ku mjekra ishte e ndaluar. MkGrain ishte i gatshëm që të ta hiqte mjekrën e tij të famshme vetëm që të mos shkaktonte incident diplomatik. Por rasti tij nuk u pranua nga autoritetet skoceze, duke mos e marrë përsipër rregullin e Shqipërisë dhe falë zotit mjekra më e famëshme në Skoci mbeti e pa prekur.
Por, me gjithë atë që ndodhi me mjekrën e MkGrain, Sëlltiku nuk mundi ta shmangte humbjen 1-0 nga Partizani në Tiranë. Por skocezët e kthyen rezultatin në ndeshjen e dytë duke fituar 4-1 në “Celtic Park” dhe duke vijuar më tej. Por që nga ajo kohë futbolli shqiptar ka bërë shumë përpara si në rang klubesh, si dhe me Kombëtaren ku u kualifikuan në Europianin e vitit 2016.
