Champions League ofron gola, ndeshje të mëdha, përplasje gjigantësh, por edhe momente spektakolare që mbeten gjatë në mendje. Një i tillë ishte veprimi i Sadio Mane këtë të martë, me sulmuesin e Liverpool-it që shkatërroi Neymar-in me një driblim.
Sulmuesi brazilian nuk shkëlqeu në Anfield dhe përveçse bëri shumë pak në sulm, nuk dha asnjë kontribut as në aspektin mbrojtës. Në minutën e 25-të Neymar tentoi të bënte mbrojtyësin, duke u gjendur përballë senegalezit Mane, i cili sulmonte në të djathtë. Dihet që Neymar nuk e ka me qejf të mbrojë, por Mane ia hoqi përfundimisht çdo dëshirë për të bërë mbrojtësin, sepse e shkatërroi me një driblim spektakolar.
Neymar përfundoi në krahun e kundërt me Mane, i cili nuk e përfundoi me sukses aksionin, por ia doli mbanë t’ia nxinte fare mbrëmjen Neymar-it.
😵 Outrageous. Sadio Mané sends Neymar and picks up Skill of the Day 👌 @Mastercard #UCL pic.twitter.com/nK7jqKWmSR
— UEFA Champions League (@ChampionsLeague) September 18, 2018
