Alvaro Morata beson se Juventus është një prej favoritëve për ta fituar Champions Leaguen. Sulmuesi i Chelseat ka theksuar se ish skuadra e tij është forcuar shumë dhe jo vetëm me ardhjen e Cristiano Ronaldos.
Kush e fiton Championsin këtë sezon?
“Juventus, por jo vetëm prej Cristianos. Në vitet e fundit gjithmonë ka qenë aty. Juventus është një ekip taktikisht perfekt”, u shpreh ai.
“Me Cristianon, pasi të fillojë të shënojë gola, do të jetë ekip edhe më i rrezikshëm”, theksoi Morata. Por mos harrojmë edhe Barcelonën e cila mbetet ekipi për tu mundur bashkë me Realin e frikshëm, përfundoi sulmuesi spanjoll.
