Kosova mori dje një fitore historike. Në stadiumin e Prishtinës “Fadil Vokrri” përfaqësuesja e drejtuar nga Bernard Challandes mposhti me rezultatin e pastër 2-0 modestët e Ishujve Faroe. Triumfi u ka dhënë optimizëm të jashtëzakonshëm jo vetëm skuadrës por dhe tifozëve që presin që ekipi të shpërthejë në këtë kompeticion pasi ka në radhët e veta shumë talente.
Por kjo fitore nuk shkon vetëm për tifozët. Qendërmbrojtësi i Skënderbeut Fidan Aliti , i cili ka qenë titullar nga minuta e parë ia ka dedikuar këtë fitore domethënëse legjendës së futbollit shqiptar Fadil Vokrri, në nder të të cilit stadiumi i Prishtinës ka marrë emrin e tij.
“Kjo fitore është për ty Fadil Vokrri. Faleminderit të gjithë shqiptarëve për përkrahjen dhe këtë natë fantastike!”
