Ndeshja e sotme me Skocinë pritet të jetë një sfidë mjaft e vështirë për Kombëtaren tonë jo vetëm për shkak të kundërshtarit por ndoshta kryesisht për shkak të fushës.
Stadiumi i Gllasgout “Hamden Park” njihet gjerësisht si një fushë mjaft e vështirë për të luajtur për çdo kundërshtar. Kjo pasi zhurma që shkaktohet nga tifozët është më e madhja në botë, me akustikën e impiantit që është pothuajse perfekte.
Nga matjet e bëra rezulton se zhurma që shkaktohet në stadium është plot 150 decibel, që nëse kapaciteti arrihet në maksimum përkthehet në një zhurmë shurdhuese për kundërshtarin.
Në këtë mënyrë “Hamden Park” është shembulli ideal i një ndeshje ku faktori fushë është përcaktues për ecurinë e lojës.
