Andrea Pirlo mund të rikthehet në fushë! 39-vjeçari ka marrë një ofertë nga Australia, ku Avondale FC, një klub gjysmë profesionist, ka kërkuar ndihmë për disa ndeshje kyçe.
Sipas “Fox Sports Australia”, Avondale ka kontaktuar tashmë ish-lojtarin e Juventusit dhe i ka propozuar një marrëveshje vetëm për disa ndeshje që mund të jenë me rëndësi thelbësore për pjesën tjetër të sezonit. Më 19 shtator, do të jetë sfida e parë, e vlefshme për çerekfinalet e Kupës së Sidneit. Ky propozim duket se ka marrë pëlqimin e lojtarit, i cili thuhet se po e mendon seriozisht zhvendosjen në vendin e kangurëve.
Megjithatë, Pirlo, nuk është lojtari i parë që është thirrur për disa ndeshje të veçanta nga ekipet australiane. Më herët, në vitin 2015, ka qenë Kostas Katsouranis që u thirr nga Heidelberg United për të luajtur në ndeshjen kundër Melbourne për Kupë. Gjithashtu, edhe Arda Turan, por Hume City nuk mundi të sillte turkun në Australi për arsye burokratike.