Disa muaj përpara se Ronaldo të transferohej te Juventusi, ai ka refuzuar disa oferta nga klube të ndryshme, madje njëra prej tyre në Itali. Oferta e parë, sipas “El Mundo” ka ardhur nga Milani.
Në atë kohë me president kinez, kuqezinjtë ofruan 150 milionë euro. Kjo ofertë u refuzua sepse Milani nuk ofronte garanci për tituj. Më pas ishte Junajtid ai që insistoi për portugezin, por ishte një shifër e ulët, e papranueshme për të tre palët.
PSG kontaktoi agjentin e 33-vjeçarit, Mendez, por kishte një kusht. Ata kërkonin ta blinin sulmuesin në ditët e fundit të merkatos, në mënyrë që Reali mos të kishte mundësi të bëntë ofertë për Nejmarin dhe Mbape. Mendez vlerësoi se kjo ishte e rrezikshme. Më pas Ronaldo kërkoi vetë kalimin te Juventusi, pasi duatrokitjet që ai mori kur shënoi me Realin dhe garancia e një ekipi triumfues në Ligën e Kampionëve, e bindën atë.