Xherdan Shaqiri u përball me një dyndje komentesh në rrjetet sociale mbrëmjen e djeshme pas humbjes që Zvicra pësoi ndaj Anglisë. Mesfushori shtatshkurtër i Liverpool, gjatë këndimit të himnit, para tij pati një djalosh të vogël por që ishte më i gjatë se ai. Ku futbollisti kosovar e kishte të vështirë të ngrinte kokën që të shihte para.
26-vjeçari mezi shihte mbi kokën e djaloshit para tij, ndërsa ekipet u rreshtuan nis stadiumin e Leicester City-t, “King Poëer”. Ky moment nuk i ka shpëtuar tifozëve që kanë ndjekur ndeshjen nga ekrani dhe menjëherë e kanë komentuar në rrjetet sociale.
Disa prej tyre e kanë cilësuar “gjynah”, Shaqirin, pasi i kishin vendosur një djalosh më të gjatë se ai gjatë rreshtimit. Një tjetër shkruante: “Shaqiri qëndron në maje të gishtave për të parë mbi djaloshin”. Një tjetër nuk ka nguruar që të shkruajë: “Nusja e Shaqirit, është më e gjatë se ai”. E shumë e shumë komente të tjera nuk janë ndalur në mediat sociale rreth këtij rasti. Por, pavarësisht kësaj, Xherdani bëri një ndeshje të mirë dhe është një nga lojtarët e rij që ka spikatur te Liverpool.
Anglia e mbylli këtë miqësore me fitore minimale 1-0, falë golit të shënuar që në pjesën e parë nga sulmuesi i Manchester United, Marcus Rashford.