Ndonëse kanë kaluar tashmë dy muaj, transferimi i Cristiano Ronaldo te Juventus është ende temë e nxehtë debate, e mbi të gjithë në ambientin e Real Madrid. Portugezi 5 herë fitues i Topit të Artë, u largua nga Los Blancos pas plot 9 vitesh, plot lavdi, trofe kolektivë dhe individual. Por jo të gjithë e kanë të qartë motivin e largimit të CR7, mes tyre duket se edhe vetë kapiteni i Real Madrid, Sergio Ramos.
Referuar raportimeve të “Don Balon”, lideri aktual i Real Madrid, Sergio Ramos ka kontaktuar Ronaldon në telefon, për ta pyetur mbi detaje të largimit të tij, që paskan qenë ende të paqarta për kapitenin e galaktikëve. Përgjigja e portugezit Cristiano Ronaldo përmbante një akuzë në adresë të presidentit Florentino Perez, për një premtim ekonomik të pambajtur.