Gennaro Gattuso nuk është në rrezik për t’u shkarkuar nga Milan, të paktën për momentin, por Leonardo raportohet ta ketë paralajmëruar dhe javët e ardhshme priten të jenë jetësore për trajnerin.
Kuqezinjtë nuk e kanë nisur mirë sezonin, dhe pas barazimit me Atalanta-n fundjavën e kaluar ndodhen në vend të 12-të të Serie A, megjithëse me një ndeshje më pak.
Sipas Correre dello Sport, drejtori teknik Leonardo e ka bërë të qartë se do të shohë një reagim nga skuadra në ndeshjet e ardhshme, megjithëse aktualisht Gattuso nuk rrezikon vendin e punës.
Tre ndeshjet e radhës për Djajtë janë Empoli dhe Sassuolo jashtë fushe, më pas Chievo në San Siro. Ata pritet të fitojnë këto ndeshje dhe më pas i pret derbi me Inter pas pushimit të ndeshjeve ndërkombëtare.
