Juventus që ka kaluar Sassuolo-n flet portugalisht dhe jo vetëm për shkak të dy golave të CR7, i cili ka vendosur takimin. Edhe Joao Cancelo ka lënë shenjë në ndeshje me shpërthimet dhe fintet e tij.
Dhe të mendosh se fillimisht mendohej se do ta niste takimin nga stoli: “De Sciglio ka ndier një shqetësim gjatë nxehjes dhe kam luajtur unë, – ka thënë mbrojtësi i krahut. – Isha gati, jam gjithmonë. Punoj shumë çdo ditë për të luajtur…”.
Ai ka shokë skuadre shumë të çmuar që po e ndihmojnë të përshtatet sa më shpejt të jetë e mundur me botën bardhezi. Bonuçi, për shembull, i jep vazhdimisht këshilla në fushën e lojës:
“Ai ka shumë eksperiencë dhe më drejton me këshillat e tij. Unë dua të përmirësohem dhe stërvitem çdo ditë për t’ia dalë mbanë”, ka thënë Cancelo.