Jorginho ka vendosur një rekord të ri për pasimet e tentuara në një ndeshje të Premier League gjatë barazimit 0-0 të Chelsea-t me West Ham. Lojtari i përfaqësueses italiane është kthyer në një lojtar kyç te Chelsea që pas transferimit nga Napoli, dhe edhe njëherë tjetër ka diktuar tempin e lojës në London Stadium.
Jorginho ka tentuar 180 pasime në total ndaj Hammers, më shumë se çdo lojtar i kampionatit kryesor anglez që kur Opta ka filluar të regjistrojë statistikat më 2003.
90% e pasimeve të tij kanë gjetur një shok ekipi, teksa pasuesi i dytë më i mirë ka qenë Rudiger, me 86 tentativa.
Nuk është hera e parë këtë sezon që statistikat e pasimeve të Jorginho-s tërheqin vëmendjen, teksa në fitoren 2-1 ndaj Newcastle ai kishte bërë më shumë pasime se të gjithë lojtarët e Magpies.
180 – Chelsea midfielder Jorginho attempted 180 passes against West Ham – since 2003-04, this is the most by a player in a single Premier League match. Metronome. pic.twitter.com/3jwxjMlhkU
— OptaJoe (@OptaJoe) September 23, 2018
