Sot, kombëtarja shqiptare do të përballet me përfaqësuesen e Izraelit, ndeshje e vlefshme për Ligën e Kombeve. Ky takim do të luhet në orën 20:45, në stadiumin “Elbasan Arena” dhe pritet me interes paraqitja e kuqezinjve në fushën e blertë.
Ndërkohë, paraditen e sotme, kuqezinjtë kanë zhvilluar një seancë stërvitore 30-minutëshe. Trajneri Christian Panucci ende s’e ka bërë publik formacionin zyrtar, por gjasat janë që në fushën e blertë kuqezinjtë të zbresin me këtë 11-she titullare: Strakosha, Hysaj – Binaku – Gjimshiti – Veseli, Basha – Memushaj – Xhaka, Gavazaj – Hyka, Guri.
Duhet thënë që në portë nuk është vendosur akoma përfundimisht se kush do të mbrojë katërkëndëshin kuqezi, pasi në balotazh janë Strakosha dhe Berisha.