Arijanet Muriqi është zëri premtues që bën bashkë Guardiolën dhe trajnerin e Kosovës, Challandes.
Mbrëmjen e së martës, Manchester City ka eliminuar në shtëpi Oxford United në Carabao Cup dhe titullar në portë ka qenë shqiptari që i ka fituar besimin Pep Guardiolës, i cili nuk ka lejuar asnjë top të kalojë përtej vijës së “finish-it” të portës.
Portieri i përfaqësueses së Kosovës ka lindur në Zvicër, është vetëm 20 vjeç dhe është kthyer në një ndër përfaqësuesit më të dejntë të Kosovës në botën e futbollit.
Pas ndeshjes së mbrëmshme, Muriqi është shprehur i lumtur me mundësinë e dhënë nga Guardiola:
”Ndihem mirë, ishte një ndeshje e mirë, portë e paprekur. Ëndrra ime u bë realitet. Stërvitem shumë çdo ditë, dhe jam i lumtur me mundësinë që kisha. Guardiola besoi tek unë”.
Në sezonin 2015-2016, portieri ka lëvizur nga ekipi U-18 i Zurich në ekipin U-18 të Manchester City-t. Vetëm një sezon i është dashur për të kapërcyer në U23-shin e qytetarëve dhe këtë sezon do të aktivizohet me ekipin e parë.
A ja vlen shprehja “Dita e mirë duket që në mëngjes për këtë lojtar?”