Sulmuesi i Kombëtares sonë Armando Sadiku po rifiton këmbën e majtë. Futbollisti i Levantes u operua para një muaji në ligamentet e këmbës së majtë pasi u dëmtua rëndë në një ndeshje miqësore. Por pas një muaji 27-vjeçari po ushtron këmbën e majtë.
Nëpërmjet një postimi në “Instagram” ai shfaqet duke ecur me patericë. Një pamje e tillë ka dhënë shpresën se do të rikuperohet më pak se 6 muajt e parashikuar.
“Duke rikuperuar gjurin! Falenderoj Zotin që jam në këmbë dhe gati të vrapoj sërish!’”
Sadiku dhe Roshi janë mungesat e konfirmuara të Kombëtares për dy ndeshjet e para të Ligës së Kombeve me Izraelin dhe Skocinë në 7 dhe 10 shtator.