Neymar është i fundit në listën e gjatë të futbollistëve që është akuzuar për simulime, ndërsa fenomeni është gjithmonë e më shumë i kritikuar edhe mes lojtarëve. Por rasti që do të shihni më poshtë, i ndodhur në Holandë, tejkalon çdo fantazi.
Gjatë ndeshjes Feyenoord – Utrecht në kampionatin holandez, Steven Berghuis bëhet vërtet qesharak pasi bie në tokë disa sekonda pasi kundërshtari thjesht e përgëzoi duke e prekur në kokë. Por pasi u mendua pak, lojtari i Feyenoord u shri në fushë me duart në fytyrë, a thua se ishte goditur nga një boksier profesionist.
Por edhe pse “agresori” i shpëtoi ndëshkimit, edhe vetë Berghuis nuk u ndëshkua për këtë veprim sa të ulët, aq edhe qesharak. Përgjatë karrierës së tij Beghuis ka luajtur për disa skuadra holandeze, ndërsa për dy vjet ka qenë edhe pjesë e Watford.
Një veprim të ngjashëm me të, bëri në Botëror Pepe i Portugalisë, pas një kontakti tepër të lehtë me Mehdi Benatia të Marokut.
Hope Steven Berghuis isn't out too long for Feyenoord pic.twitter.com/QRP2F4QlPN
— James Dart (@James_Dart) September 23, 2018