Champions League nisi dje me një finale të çmendur. PSG dhe Liverpool nuk zhgënjyen askënd që vendosi ta ndiqte raundin të sezonit të 64-t të Champions League.
Të kuqtë u dhanë një mësim të mirë “miliarderëve” të PSG-së duke u dhënë provën të gjithëve se do të jenë protagonist këtë sezon. Djemtë e Jurgen Klopp “kyçën” të gjitha dyert që donin të hapnin yjet e kushtueshëm Neymar me shokë.
Por momenti më kritik i takimit dhe më i paharrueshmi ishte kur sulmuesi senegalez i Liverpoolit Sadio nxori jashtë loje me “mashtrim” yllin e PSG-së Neymar Jr. Mane hodhi në krahun tjetër sulmuesin brazilian duke fituar duartrokitjet e publikut. Jo vetëm kaq, por episodi ka marrë dhenë në të gjitha rrjetet sociale. Shumë tifozë e kanë konsideruar këtë “leksion” të Manesë si shumë brutale.
Liverpool i ka fituar të gjitha ndeshjet deri tani në kampionat dhe Champions League. Të kuqtë janë favoritë të mëdhenj për të fituar çdo trofe të mundshëm këtë sezon.