Qendërmbrojtësi i Chelseat, Antonio Rudiger, beson se Lionel Messi është futbollist më i mirë se bashkëlojtari i tij, Eden Hazard, por jo edhe Cristiano Ronaldo.
Hazard ka qenë ylli i Chelseat që prej ardhjes së tij në klub nga Lille në vitin 2012, por ka dështuar ta sfidojë dyshen dominuese Messi – Ronaldo në garë për Topin e Artë, transmeton Express.
Megjithatë, përkundër faktit se Ronaldo është aktualisht fitues i Topit të Artë, përfaqësuesi gjerman e vlerëson Messin më lartë dhe pohon se sfiduesi i tij më i përafërt është Hazard.
I pyetur sesa e vështirë është ta ndalesh Kylian Mbappen pas ndeshjes së tij për Gjermaninë ndaj Francës në Ligën e Kombeve, Rudiger tha: “Mbappe është jashtëzakonisht i shpejtë dhe shumë i mirë. Për ta ndalur atë, duhet të veprosh si ekip, sepse i vetëm.. paç fat!”.
“Por, për mua, më i miri i botës është Messi, pastaj Hazard”, shtoi ai.
